13 Augustus

13 Augustus is C.J. Langenhoven se geboortedag, die foto is op sy troudag geneem.

Florence Nightingale, die dame met die lamp, is op die dag in 1910 oorlede.

13 Augustus is die 225ste dag van die jaar in die Gregoriaanse kalender (226ste in skrikkeljare). Daar volg nog 140 dae in die res van die jaar.

Gebeure

• 523 – Pous Johannes I volg Pous Hormisdas op.
• 1099 – Pous Paschalis II volg Pous Urbanus II op.
• 1445 – Pietro Barbo (later Pous Paulus II) word camerlengo van die Kollege van Kardinale.
• 1521 – Tenochtitlán, die huidige Meksiko-Stad, word deur Spaanse conquistadors onder Hernán Cortés verower.
• 1529 – Pous Clemens VII stel Mercurio Arborio di Gattinare, leek en kanselier van keiser Karel V, aan as kardinaal.
• 1616 – Alessandro Ludovisi (later Pous Gregorius XV) word nuntius na die hertog van Savoje.
• 1704 – Die Slag van Blenheim, 'n sleutelgebeurtenis in die Spaanse opvolgingsoorlog. Engeland en Oostenryk maak aanspraak op 'n oorwinning oor Frankryk en Beiere.
• 1729 – Pous Benedictus XIII verklaar Vincent de Paul salig.
• 1799 – Pous Pius VI publiseer Quoties animo waarin koning Karel van Spanje gemagtig word om kerklike eiendomme te verkoop.
• 1814 – Die Sweedse sterrekundige en fisikus Anders Jonas Ångström, wat die eerste was om daarop te wys dat die son waterstof bevat, word gebore.
• 1920 – Die Slag van Warskou begin tydens die Pools-Sowjetoorlog.
• 1960 – Die Sentraal-Afrikaanse Republiek word van Frankryk onafhanklik.
• 1961 – Die Duitse Demokratiese Republiek Nasionale Volksweermag en Volkspolisie-eenhede begin met die oprigting van die Berlynse Muur om ontsnappingpogings deur die Ystergordyn te fnuik.

Geboortes

• 1873 – C.J. Langenhoven, Afrikaanse skrywer († 1932).
• 1884 – Tobie Muller, NG predikant en Afrikaanse taalstryder († 1918).
• 1886 – Jacobus Hendrik Pierneef, Suid-Afrikaanse skilder in Pretoria († 1957).
• 1899 – Alfred Hitchcock, Britse regisseur († 1980).
• 1902 – Felix Wankel Duitse uitvinder van die wankelenjin († 1984).
• 1904 – Charles "Buddy" Rogers, Amerikaanse akteur, musikant († 1999).
• 1918 – Frederick Sanger, Britse biochemikus († 2013).
• 1920 – Neville Brand, Amerikaanse akteur († 1992).
• 1926 – Fidel Castro, Kubaanse leier († 2016).
• 1963 – Sridevi, Indiese aktrise († 2018).

Sterftes

• 1863 – Eugène Delacroix, waterverfskilder (* 1798).
• 1865 – Ignaz Semmelweis, Hongaarse arts, vader van antiseptiese prosedures (* 1818).
• 1896 – John Everett Millais, Britse skilder en tekenaar (* 1829).
• 1910 – Florence Nightingale, bekend as "Die dame met die lamp", pionier en grondlegger van die moderne verpleging (* 1820).
• 1912 – Jules Massenet, Franse komponis (* 1842).
• 1917 – Eduard Buchner, Duitse chemikus, simoloog en wenner van die Nobelprys vir Chemie (* 1860).
• 1946 – Herbert George Wells, outeur van The Time Machine en The Shape of Things to Come (* 1866).
• 1975 – Eva Speyer, Duitse aktrise (* 1882).
• 2005 – David Lange, 32ste Eerste Minister van Nieu-Seeland (* 1942).
• 2020 – Hans-Peter Künzi, navorser in topologie en kategorieteorie aan die wiskundedepartement aan die Universiteit van Kaapstad (* 1955).

Vakansies, vierings, en waarnemingsdae

• Feesdag van Pous Pontianus in die Rooms-Katolieke Kerk.
• Onafhanklikheidsdag in die Sentraal Afrikaanse Republiek (1960).
• Feesdag van St. Hippolitus in die Rooms-Katolieke Kerk.